Monday, January 24, 2022

18 të shëruar dhe tre raste me Covid-19 në Kosovë

Instituti Kombëtar i Shëndetësisë Publike ka njoftuar se sot janë shënuar edhe tri raste të reja me koronavirus.

Janë testuar gjithsej 200 mostra të marra nga Klinika Infektive dhe  gjurmimi i kontakteve të rasteve në terren dhe pozitive me SARS-CoV-2, janë konfirmuar 3 raste.

Të tri rastet pozitive janë raste kontakti nga komuna e Prishtinës.

Ndërkohë është konfirmuar se sot janë shëruar 18 pacientë derisa numri i përgjithshëm i të shëruarve ka arritur në 754 raste.

Nga data 08 shkurt  deri më 18 maj 2020, gjithsej 11.987 persona të dyshimtë në virusin SARS-CoV-2 dhe prej tyre pozitive rezultojnë gjithsej 988 raste, me gjithsej 29 raste të vdekjes të cilët kanë pasur sëmundje të tjera shoqëruese.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome.

Në nivel global, nga data 31 dhjetor 2019 deri më 18 maj 2020 sipas Worldometers, janë raportuar gjithsej 4.841.034 raste të COVID-19 dhe 317.371 raste të vdekjes.

- Advertisment -

Lexoni