Saturday, June 25, 2022

14 raste të reja më koronavirus – janë nga dy komuna të Kosovës

Për dallim nga dita e djeshme kur kishte vetëm një rast, sot janë konfirmuar 14 raste me koronavirus në Kosovë. Ndërkohë, tre persona janë shëruar.

Këto të dhëna i ka publikuar Instituti Kombëtar i Shëndetësisë Publike të Kosovës.  

Gjithsej janë testuar gjithsej 208 mostra të marra nga Klinika Infektive dhe  gjurmimi i kontakteve të rasteve në terren.

Rastet pozitive janë raste kontakti nga komuna e Prizrenit 8 raste dhe komuna e Rahovecit 6 raste.

“Sot më 20 maj 2020, janë shëruar 3 pacientë derisa numri i përgjithshëm i të shëruarve deri më sot është gjithsej 772 raste”, thuhet në njoftim.

Deri më tash, në Kosovë janë testuar 12.406 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.003 raste, me gjithsej 29 raste të vdekjes të cilët kanë pasur sëmundje të tjera shoqëruese.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome.

Në nivel global, nga data 31 dhjetor 2019 deri më 20 maj 2020 sipas Worldometers, janë raportuar gjithsej 5.039.593 raste të COVID-19 dhe 326.903 raste të vdekjes.

- Advertisment -

Lexoni