Monday, January 24, 2022

Frika nga revolucioni 5G

Gjenerata e pestë e rrjeteve celulare e njohur si 5G u paralajmërua me pompozitet, ndërkohë që fillimi i zbatimit u përcoll me reagime e kundërshtime të ashpra. Kjo gjeneratë, është menduar që të rrisë ndjeshëm shpejtësinë e internetit në pajiset mobile.

Krahasuar me 4G-në, gjenerata 5G ofron bandwidth disa herë më të lartë dhe vonesa më të ulëta transmetimi. Projektuesit e kishin prezantuar 5G-në të jetë të paktën 100 herë – dhe deri në 1 mijë herë– më e shpejtë se 4G-ja, duke bërë të mundur shkarkimin e filmave me rezolucion të lartë në vetëm pak sekonda.

Kjo nënkupton që përdoruesit e telefonave do të mund të ngarkojnë dhe shkarkojnë video e foto shumë më shpejtë si dhe të zhvillojnë lojëra me grafikë më të mirë dhe shpejtësi më të madhe, pa vonesa, në celularët e tyre.  

Por, 5G, një teknologji e cilësuar tashmë si kineze, nuk u mirëprit nga pjesa tjetër e globit. Në fillim, qeveria belge e ndaloi një test 5G për shkak të shqetësimeve rreth rrezatimit. 

Edhe në Britaninë e Madhe, përfaqësues të Parlamentit paralajmëruan njerëzit për siç thuhej, “pasojat e paqëllimshme” të azhurnimit në 5G. Madje, kishte konspiracione, që më pas dolën të jenë “Fake News” apo lajme të rreme, se ishte pikërisht 5G ajo që po i infektonte njerëzit me koronavirusin e ri.

Howard Jones, i cil është në krye të komunikimeve të teknologjisë në ofruesin e rrjetit mobil EE në Britani të Madhe i ka thënë gazetës Guardian se “gjatësitë valore që i përdor dhe do t’i përdor 5G janë të gjitha plotësisht të sigurta dhe kanë qenë në hulumtime dhe testime për dekada të tëra”.

“Është çorientuese të thuash se është një teknologji e re dhe për këtë arsye nuk është testuar”, kishte thënë ai, duke nënvizuar se “aktualisht ekziston një terror i madh për rrjetin telefonik”.

5G është e ndërtuar për një botë ku miliarda pajisje do të jenë të varura nga një lidhje e vazhdueshme me internetin.

Telefonat e parë celularë me rrjetin 5G kanë filluar në Evropë që në shtatorin e shkuar. Në shumë vende, infrastrukturat e para të rrjetit tashmë kanë përfunduar.

Komisioni Evropian e ka përshkruar si “një nga blloqet ndërtuese më kritike për ekonominë digjitale dhe shoqërinë për dekadën e ardhshme”.

Shpejtësia e 5G-së dhe lidhja latente e ulët– e cila i lejon pajisjet të përpunojnë një vëllim shumë më të lartë të dhënash me një vonesë minimale –do të nxisë inteligjencën artificiale ka thënë Komisioni. 

Me kalimin e kohës, i gjithë aktiviteti ekonomik do të ndikohet nga strukturat e reja të 5G-së duke përshpejtuar transformimin digjital të kompanive dhe, për rrjedhojë, revolucionin e katërt industrial.

Industria automobilistike, transporti si dhe rrjetet e infrastrukturës dhe shëndetësia, janë ndër sektorët që do të transformohen prej rrjetit 5G.

Kamionë dhe makina pa shoferë, ndërtesa  dhe qytete “smart” si dhe ndërhyrje më të shpejta mjekësore në zonat rurale janë disa prej inovacioneve falë rrjetit 5G.

Ndryshe nga BE-ja ku ka hamendje, në SHBA ka një qëndrim të prerë. SHBA e ka futur kompaninë kineze Huawei në listën e zezë tregtare. Kjo lëvizje erdhi pas propozimit të Huawei (kompani kineze) për të futur në treg rrjetin 5G. Sipas Uashington ky rrjet do të cenonte sigurinë kombëtare fakt ky që është hedhur poshtë edhe nga përfaqësues të lartë të kompanisë kineze të cilët ndër të tjera janë shprehur se kjo risi është krejtësisht e pavarur nga qeveria kineze.

- Advertisment -

Lexoni