Wednesday, June 29, 2022

Kurti: Qeveria Hoti në shërbim të Serbisë

Ish kryeministri i Kosovës, Albin Kurti, njëherësh lideri i Lëvizjes Vetëvendosje, ka reaguar pas heqjes së reciprocitetit nga ana e Qeverisë Hoti.

Përmes një postimi në Facebook, ai ka shkruar se Qeveria Hoti është e paligjshme dhe në shërbim të Serbisë.

Ai tutje ka shtuar se me heqjen e reciprocitetit Kosova do të shkojë në dialog si fajtore për vonesën e rifillimit të dialogut.

Postimi i plotë:

Edhe të shtunën punojnë e mbajnë mbledhje vetëm dhe vetëm që ta heqin reciprocitetin ndaj Serbisë. Kosova ka panumër probleme sociale dhe ekonomike, por ato nuk mund të kenë prioritet krahasuar me kërkesat e Serbisë. Kjo pra është qeveria e paligjshme e Kosovës.

Pardje njoftuan mediet se 20 kamionë që kanë hyrë nga Serbia e respektuan masën tonë të reciprocitetit.

Në dokumentet e tyre e kanë shkruar: Republika e Kosovës. Pra, ata po e zbatonin reciprocitetin. Por, pas vendimit të sotëm, nuk do të kenë më nevojë.

Hoti ka deklaruar që i ka hequr pengesat për vazhdimin e dialogut me Serbinë. Në këtë mënyrë, ai ia ka mveshur Kosovës fajin për mungesën e deritanishme të dialogut. Një këso shërbimi të mirë Serbisë nuk ka mundur as vetë Beogradi ta mendojë. Përveçqë dialogu do të jetë asimetrik sepse me reciprocitet të braktisur nga ana e Kosovës, aty pala kosovare hyn si fajtore për vonesën në rifillimin e dialogut.

Historikisht shqiptarët i kanë pasur dy rryma politike varësisht nga qëndrimet e tyre karshi Serbisë. As sot nuk është ndryshe, por, si rrallë herë më parë situata është qartësuar.

Edhe e paligjshme në Kosovë, edhe në shërbim të SerbisëEdhe të shtunën punojnë e mbajnë mbledhje vetëm dhe vetëm që ta…

Posted by Albin Kurti on Saturday, 6 June 2020
- Advertisment -

Lexoni