Wednesday, January 26, 2022

REGJISTROHEN EDHE 73 RASTE ME COVID-19 NË KOSOVË

Gjatë 24 orëve të fundit, janë regjistruar edhe 73 raste pozitive me COVID-19 në Kosovë.

Numri total i rasteve pozitive në Kosovë ka mbërrijtur në 3.064  raste nga 24.271 persona të dyshimtë në virusin SARS-CoV-2, me gjithsej 55 raste të vdekjes të cilët kanë pasur sëmundje të tjera shoqëruese.

Ndërkohë, janë shëruar edhe 63 pacientë derisa numri i përgjithshëm i të shëruarve deri më sot është gjithsej 1.707 raste, kurse raste aktive 1.302.

Rastet pozitive janë nga komuna e Prishtinës 44 raste, komuna e Lipjanit 7 raste, komuna e Ferizajt 5 raste, komuna e Vushtrrisë 5 raste, komuna e Fushë Kosovës 3 raste, komuna e Obiliqit 3 raste, komuna e Skenderajt 2 raste dhe me nga 1 rast komunat: Istog, Klinë, Pejë dhe Podujevë.   

Edhe kësaj radhe, Instituti Kombëtar i Shëndetësisë Publike ka bërë thirrje për zbatimin e rekomandimeve duke vendosur me shkronja të mëdha: BARTJA E MASKAVE MBETET OBLIGATIVE!

- Advertisment -

Lexoni