Monday, June 27, 2022

Si të Përgatisni Brinjë Qengji Për 20 Minuta

Nëse keni përdorur vetëm bërxollat e viçit, AgroWeb.org ju këshillon që të provoni patjetër këtë recetë.

Bërxollat e qengjit kanë një shije krejtësisht të veçantë dhe lehtësisht të dallueshme.

Ato krijojnë një pjatë perfekte për një drekë të shijshme apo për një darkë të plotë për të afërmit apo miqtë.

AgroWeb.org ju tregon një recetë shumë të thjeshtë e cila do t’ju marrë vetëm 20 minuta për t’u përgatitur.

Të marinuar me trumzë të freskët dhe të shoqëruar me një salcë limoni e pak verë të bardhë, ato janë perfekte.

Përbërësit

8 bërxolla qengji

1 lugë gjelle me trumzë të freskët të grirë

Kripë

Piper i zi

4 lugë gjelle gjalpë

1 qepë e vogël e grirë hollë

1 thelbi hudhër e shtypur

Gjysmë gote me verë të bardhë të thatë ose lëng mishi

1 lugë gjelle me lëng limoni

1 lugë çaji me lëkurë limoni

Përgatitja

Filloni me marinimin e mishit duke i masazhuar bërxollat me trumzë, kripë dhe pak piper.

Lërini të pushojnë në temperaturë ambienti për 5 minuta.

Ndërkohë AgroWeb.org ju sugjeron që të vendosni një tigan në zjarr mesatar.

Aty shtoni dy lugë gjelle me gjalpë dhe sapo ai të ketë shkrirë vendosni bërxollat e qengjit.

Sigurohuni që t’i skuqni nga të dyja anët derisa të jenë gati.

AgroWeb.org ju tregon se mjaftojnë 4-6 minuta për secilën anë të bërxollës.

Pasi t’i keni skuqur hiqini nga zjarri dhe lërini në një pjatë dhe mbulojini me një kapak.

Kështu ato do të qëndrojnë të buta dhe plot lëng.

Vazhdoni me përgatitjen e salcës me limon duke shtuar edhe gjalpin e mbetur në tigan.

Skuqni qepën dhe hudhrën derisa volumi i saj të ketë rënë.

Hidhni verën dhe lëngun e limonit dhe lëreni në zjarr të ngadaltë derisa të mpikset pak.

Në fund shtoni edhe lëkurën e limonit dhe skuqeni edhe për një tjetër minutë.

Jepini shije me kripë dhe piper të zi dhe më pas hidheni mbi bërxollat e shijshme./AgroWeb/

- Advertisment -

Lexoni