Sunday, January 16, 2022

PDK-ja ndryshon qëndrim – Del në favor të ratifikimit të marrëveshjeve ndërkombëtare

Partia Demokratike e Kosovës ka thënë se do të përkrahë ratifikimin e marrëveshjeve ndërkombëtare, që kanë vlerën e më shumë se 300 milionë eurove.

Në një konferencë për media, shefi i Grupit Parlamentar të PDK-së, Bedri Hamza, ka thënë se PDK-ja do të votojë pro për të mundësuar ratifikimin e marrëveshjeve.

“PDK-ja është opozitë e Qeverisë, mirëpo kemi deklaruar dhe i qëndrojmë deklarimit se s’jemi opozitë e shtetit dhe interesit të qytetarëve të Kosovës. Kemi diskutuar brenda strukturave, por tani përfunduam edhe mbledhjen e Grupit Parlamentar dhe kemi vendosur të përkrahim dhe votojmë të gjitha marrëveshjet ndërkombëtare financiare që do të jenë në rend dite në Kuvendin e Kosovës. I përkrahim pa kushtëzime”, ka thënë ai duke paralajmëruar votimin pro për seancën e ardhshme që pritet të mbahet të enjten.

Votimi i pesë marrëveshjeve ndërkombëtare ka dështuar të marrë votat e mjaftueshme në dy seancat e fundit. Dy partitë opozitare, Lëvizja Vetëvendosje dhe PDK-ja nuk kishin marrë pjesë në votim në seancën e fundit, ndërsa partitë në pushtet s’kishin më shumë se 58 vota. Marrëveshjet ndërkombëtare kërkojnë minimum 80 vota për ratifikim.

- Advertisment -

Lexoni