Hill në Luginë: Do të shoh se çfarë mund të bëj kur të kthehem në

Dy ditë para nisjes për Hagë, Thaçi bën homazhe në Prekaz
Që nga publikimi i propozim-aktakuzës nga Prikuroria Speciale, Presidenti Hashim Thaçi, ka vizituar vende e familje të heronjëve e dëshmorëve të luftës së UÇK-së. Sot, dy ditë para nisjes për në Hagë, ai ka zgjedhur për të bërë homazhe te Varrezat e Dëshmorëve në Prekaz të Skenderajt.
Vizitën e tij, ai e ka bërë publike përmes profilit në Facebook.
Thaçi ka thënë se ka ardhur këtu për të nderuar komandantin legjendar Adem Jashari dhe të gjithë luftëtarët e UÇK-së.
Ai nga Prekazi ka thënë se po ashtu ka ardhur këtu për të ritheksuar fuqishëm se “dielli do të lindë përsëri”.
“Jam sonte këtu në Prekaz për të bërë nderime bashkëluftëtarit dhe komandantit Adem Jashari. Për t’u bërë nderime të gjithë luftëtarëve të Ushtrisë Çlirimtare të Kosovës, heronjve të kombit. Jam këtu në këtë muzg veror, por edhe për të ritheksuar fuqishëm se dielli do të lindë përsëri”, ka thënë Thaçi.
Presidenti i Kosovës, Hashim Thaçi, të hënën do të udhëtojë për në Hagë për t’u intervistuar nga Prokuroria Speciale.
Më 24 qershor, Prokuroria Speciale ka bërë publike propozim-aktakuzat e ngritura ndaj Presidentit të Kosovës, Hashim Thaçi dhe kryetarit të Partisë Demokratike të Kosovës, Kadri Veseli, të ngritura zyrtarisht ndaj tyre në 24 prill 2020.