Raportohen tri raste të dhunës ndaj grave në Kosovë
Policia e Kosovës ka njoftuar se vetëm gjatë 24 orëve të fundit, janë shënuar tri raste të dhunës ndaj grave në vend. Sipas raportit të Policisë së Kosovës, rastet kanë ndodhur në Prishtinë, Fushë Kosovë, e Drenas.
Në Prishtinë, viktima femër kosovare ka raportuar se ishte sulmuar fizikisht nga i dyshuari mashkull kosovar ku dhe si pasojë ka pranuar tretman mjekësor. Në lidhje me rastin është arrestuar i dyshuari dhe me urdhër të prokurorit është dërguar në mbajtje.
Kurse në Fushë Kosovë, është arrestuar i dyshuari mashkull kosovar, pasi që i njëjti kishte sulmuar fizikisht viktimën femër kosovare. Viktima ka pranuar tretman mjekësor. Me vendim të prokurorit, i dyshuari është dërguar në mbajtje.
Përderisa në Gllogoc, viktima femër kosovare ka raportuar se i dyshuari mashkull kosovar e ka kërcënuar atë. I dyshuari është arrestuar dhe me urdhër të prokurorit është liruar në procedurë të rregullt.
