Sveçla: Serbi i arrestuar sot është pjesë e strukturës kriminale “Mbrojtja Civile”
Vdes një 66 vjeçare nga COVID-19 në Spitalin e Pejës, shtatë pacientë të tjerë në gjendje të rëndë
Në Spitalin e Përgjithshëm në Pejë janë duke u trajtuar 64 pacientë me COVID-19.
Sipas njoftimit nga këta pacientë 48 janë të konfrimuar me coronavirus, kurse 16 janë në pritje të rezultateve.
“Nga pacientët e shtrirë 25 janë në Oksigjeno terapi, 7 pacientë janë në gjendje më të rëndë. Një paciente e konfirmuar me COVID-19, e moshës 66 vjeçare e shoqëruar edhe me sëmundje tjera fatkeqësisht ka vdekur. Deri më tani në Spitalin e Përgjithshëm në Pejë 40 pacientë janë shëruar nga COVID-19”, thuhet në njoftim.
Nga personeli i Spitalit 5 Mjek, 7 Infermierë dhe 2 Bioinxhinjer janë të infektuar me COVID-19.
Po ashtu gjatë 24 orët e fundit në Spitalin e Përgjithshëm në Pejë,186 pacientë kanë marrë trajtim emergjent shëndetësorë.
“Nga këta 22 pacientë janë shtrirë për trajtim të mëtutjeshëm. Kanë qenë 2 lindje, të dyja me prerje cezariane. Kanë lindur 2 foshnje 1 e gjinisë mashkullore dhe 1 e gjinisë femërore..
Gjatë 24 orëve të fundit në Spitalin e Përgjithshëm në Pejë janë kryer 10 operacione, ndërsa 184 pacientë kanë kryer analiza, që në total kanë bërë 2,325 analiza”, thuhet në njoftim.
