Liberalizimi i vizave në fazën finale, më 18 prill votohet në Parlamentin Evropian
Thaçi rikujton aksionin në veri: Siguroi bashkimin territorial
Presidenti i Kosovës, Hashim Thaçi nëpërmjet një postimi në Facebook ka kujtuar aksionin e Njësisë Speciale të Policisë së Kosovës, aso kohe ROSU në veri të Kosovës.
Ai ka shkruar se aty, nëntë vite më parë u sigurua përfundimisht bashkimi territorial i Kosovës.
Thaçi ka përkujtuar gjithashtu edhe rënien e policit të Kosovës, Enver Zymberi gjatë këtij aksioni.
Presidenti shkruan se Zymberi personifikon sakrificën dhe përpjekjet tona për ruajtjen e integritetit territorial.
“25 korriku është dita e bashkimit të Kosovës”, shkruan Thaçi në postimin të cilit ia ka bashkangjitur një video të vizitës së tij në liqenin e Ujmanit.
“Aksioni i Njësisë Speciale të Policisë së Kosovës në veri, nëntë vjet më parë, siguroi përfundimisht bashkimin territorial të Republikës së Kosovës. Heroi i Kosovës, Enver Zymeri, personifikon sakrificën dhe përpjekjet tona për ruajtjen e integritetit territorial të shtetit tonë. 25 korriku është dita e bashkimit të Kosovës. HTH”, shkruan Thaçi.
