Dy aksidente me fatalitet dhe 22 me të lënduar gjatë 24 orëve të fundit

Policia e Kosovës njofton se gjatë 24 orëve të fundit në Kosovë janë shënuar gjithsej 53 aksidente trafiku.

Sipas njoftimit, dy aksidente kanë qenë me fatalitet, kurse 22 prej këtyre aksidenteve kanë përfunduar me persona të lënduar.

Në raport theksohet se vetëm dje janë shqiptuar gjithsej 851 gjoba ndaj kundërvajtësve në trafik, të cilët i kanë shkelur rregullat e qarkullimit rrugor.