Wednesday, January 26, 2022

Të pasurit i bashkon diçka më shumë përveç parasë

S’është nevoja të kujtohet që të pasurit kanë disa gjëra më shumë se shtresa mesatare; përfshi këtu prona, shumë zero nëpër banka, makina të mira apo diamantë, por gjithsesi lista s’mbaron këtu. Kanë diçka më tepër që të tjerët nuk e kanë- gjumin e mirë!

Krahasuar me ata që bëjnë jetë mesatare apo të varfër, njerëzit e pasur flenë më shumë dhe gjumi i tyre është më i mirë se pjesa tjetër. Bazuar në një studim të kryer nga US Centers for Disease Control and Prevention, nga 140,000 të rritur që morën pjesë në eksperiement gjatë viteve 2011-2014,  rezultoi se sa më shumë para dikush bënte, aq më mirë flinte natën.

Vetëm 55% e atyre që jetonin në prag varfërie arrinin të flinin 7 deri në 8 orë gjumë. Tek të rriturit që ishin 400% mbi pragun e nivelit të varfërisë, kjo përqindje ishte 66.6%. 

Pse ndodh kjo?

Njerëzit me burime të shumta janë në gjendje të përballojnë shtëpi në lokacione më të qeta; me më shumë hapësirë, me më pak njerëz dhe me kushte më të mira. Shtoji kësaj faktin që ata që kanë më shumë të ardhura mund të trajtojnë më mirë edhe problemet që kanë me pagjumësinë.

Shpesh, të dhënë pas punës apo ngjarjeve të tjera të jetës së përditshme, e nënvlerësojmë gjumin, duke harruar se cilësia e tij reflektohet në vendimet dhe organizimin e ditës.

Nëse s’jeni të pasur, s’ka problem. Ka ende një shans për të bërë gjumë të mirë. Merruni me aktivitet fizik.  Kur ushtroheni, bëni gjumë më të mirë i cili kthehet në energji për ditën tjetër. Një këshillë tjetër. Përpiquni të shmangni dremitjet gjatë ditës.

- Advertisment -

Lexoni