Shefi i CIA-s paralajmëron SHBA: Ukraina do të humbasë në fund të vitit 2024
9 të vdekur dhe 224 raste me COVID-19 në Kosovë
Instituti Kombëtar i Shëndetësisë Publike (IKSHPK) ka njoftuar të premten, se në 24 orët e fundit kanë vdekur 9 pacientë me COVID-19 duke çuar numrin e përgjithshëm në 237. Ndërkaq në faqen e IKSHPK-së figurojnë 236 vdekje nga COVID-19.
Sipas IKSHPK-së, të gjithë pacientët që humbën betejën me koronavirusin kishin sëmundje shoqëruese.
Ndërkohë 224 rastet kanë dalë pozitive nga 434 mostra të marra nga QKUK-ja, spitalet rajonale dhe gjurmimi i kontakteve të rasteve në terren.
Tutje është njoftuar se në 24-orët e fundit janë shëruar 152 pacientë.
Rastet pozitive janë nga: komuna Prishtinë 70 raste, komuna Ferizaj 20 raste, komuna Prizren 20 raste, komuna Fushë Kosovë 16 raste, komuna Kaçanik 13 raste, komuna Vushtrri 10 raste, komuna Mitrovicë 9 raste, komuna Gjilan 8 raste, komuna Lipjan 7 raste, komuna Podujevë 7 raste, komuna Drenas 6 raste, komuna Skenderaj 6 raste, komuna Dragash 5 raste, komuna Malishevë 5 raste, komuna Suharekë 5 raste, komuna Pejë 4 raste, komuna Klinë 3 raste, komuna Viti 3 raste, komuna Gjakovë 2 raste, komuna Kamenicë 2 raste, komuna Obiliq 2 raste dhe komuna Shtime 1 rast.
Ministri i Shëndetësisë, Armend Zemaj ka njoftuar se do të ketë ashpërsim të masave.
SHËNIM I REDAKSISË: FILLIMISHT IKSHPK KA RAPORTUAR 10 VDEKJE, MË PAS E KA PËRMIRËSUAR SHIFRËN DUKE E KTHYER NË 9.
