Friday, January 28, 2022

Mbi 10 mijë të infektuar dhe 315 të vdekur, bilanci i Kosovës me Covid

Më shumë se 10 mijë veta janë infektuar me COVID-19 në Kosovë. Ky bilanc, del si rezultat i testeve të kryera, ndërkaq nuk ka statistika tjera që dëshmojnë për një numër edhe më të lartë, pasi që Kosova ka kryer kryesisht numër të vogël testesh.

Në përgjithësi, numri i rasteve pozitive me COVID-19, por edhe i atyre që kanë humbur jetën nga ky virus, vazhdon të jetë i lartë.

Dje u shënuan 12 vdekje dhe 190 raste të reja me coronavirus në vend, duke quar në total numrin e të vdekurve në 315 dhe të të infektuarve në 10 mijë e 59.

Por pavarësisht këtij bilanci të rëndë, dje pas një kohe të gjatë, kishim numrin më të lartë të të shëruarve. Sipas IKSHPK-së dje janë shëruar 197 qytetarë që ishin prekur nga COVID-19.

Deri më tani numri i të shëruarve ka arritur në 5 mijë e 802 kurse raste aktive janë 3 mijë e 942.

- Advertisment -

Lexoni