Katër viktima dhe 155 të infektuar në 24 orë në Shqipëri

Gjatë 24 orëve të fundit në Shqipëri kanë humbur jetën katër persona për shkak të COVID-19, duke e çuar numrin e viktimave në 238 persona.

Bëhet fjalë për një 57-vjeçar nga Vlora dhe tre nga Tirana të moshës, 68, 80 dhe 82 vjeç që kishin sëmundje bashkëshoqëruese.

Gjatë ditës së fundit, Instituti i Shëndetit Publik ka kryer 847 testime nga të cilët kanë rezultuar pozitivë 155 persona.

Ministria e Shëndetësisë thotë se, nga ana tjetër gjatë ditës së fundit janë shëruar 58 pacientë që ishin pozitivë me COVID, duke e çuar numrin e personave të shëruar në total deri tani në gati 4 mijë vetë.

Aktualisht në dy spitalet COVID gjenden të shtruar 121 pacientë, ku 19 janë të terapi intensive nga të cilët 7 janë të intubuar me frymëmarrje artificiale.

COVID-19 – Statistika (20 Gusht 2020)

Testime totale            53571

Raste pozitive             7967

Raste të shëruara       3986

Raste Aktive               3743

Humbje jete                  238

Tiranë 119,

Shkodër 34,

Durrës 33,

Fier 10,

Elbasan 9,

Korçë 9,

Lezhë 6,

Kukës 5,

Vlorë 6,

Dibër 3,

Gjirokastër 3,

Berat 1