Wednesday, May 25, 2022

Vdes gazetari Kastriot Shehdadi

Sot ka ndërruar jetë gazetari Kastriot Shehdadi, në moshën 52 vjeçare.

Shehdadi për shumë vite ka punuar si gazetar në disa mediume nga Kosova e Shqipëria, periudhë gjatë së cilës është dalluar për profesionalizëm dhe kontribut të pakursyer në përmirësimin e jetës së bashkëqytetarëve dhe shoqërisë sonë në pergjithësi.

Varrimi i të ndjerit Kastriot Shehdadi bëhet nesër, e merkurë në varrezat e qytetit në Gjakovë.

Për vdekjen e gazetarit dhe zyrtarit komunal, Kastriot Shehdadi ka njoftuar edhe Dega e partisë Alternativa në Gjakovë.

Kjo parti, vdekjen e Shehdadit e ka cilësuar humbje për gazetarinë dhe Komunën e Gjakovës.

“Kësaj radhe na tronditi lajmi për ndarjen nga jeta të gazetarit, publicistit dhe zyrtarit komunal Kastriot Shehdadi. Me Kastriotin bashkëpunuam për gjatë 4 viteve të qeverisjes në Gjakovë. Për Kastriotin nuk kishte rëndësi partia politike, ose kush e ka pushtetin. Ai gjithmonë përpiqej të ishte në krye të detyrës, ku me qetësinë që e karakterizonte dhe me aftësitë profesionale përmbushte përgjegjësinë që kishte”, thuhet në njoftimin e Alterantivës.

“Kastrioti adhuronte fjalën e lirë, e mbi të gjitha fjalën e shkruar shqip. Kastrioti pasuronte paraqitjet publike dhe zyrtare, me fjalime, lajme dhe njohuri të shumta që kishte. Humbja e Kastriotit është humbje për gazetarinë, zyrën për Informim të Komunës së Gjakovës dhe mbarë Gjakovën. Ngushëllime të sinqerta familjes Shehdadi, miqëve dhe bashkëpuntorëve”, përfundon njoftimi i tyre.

Shkaqet e vdekjes se Kastriot Shehdadit nuk janë bërë të ditura, ndërsa për të ndjerin kanë shkruar dedikime edhe shumë persona që e njohën.

- Advertisment -

Lexoni