Miliona njerëz i japin lamtumirën Maradonës

Nga pallati ku lindi e u rrit Diego Maradona, nëpër rrugët e Argjentinës e deri te klubi i futbollit që drejtoi, një milion njerëz janë mbledhur për t’i dhënë lamtumirën yllit botëror të futbollit.

Homazhet për Maradonën, që do të zhvillohen në pallatin presidencial, pritet të zgjasin nga dy, deri në tre ditë ndërsa dyert janë të hapura për këdo që dëshiron t’i japë legjendës lamtumirën e fundit.

Sipas mediave të huaja, qeveria po punon për të menaxhuar situatën dhe grumbullimin e madh të njerëzve, mes pandemisë së COVID-19.