Ylli Aga: Episodi Deliu-Salami nuk ishte penallti/ Luan Pinari: Për mua ishte padyshim 11-metërsh

Ndërhyrja e Deliut ndaj Salamit në ndeshjen Tirana-Kukësi, që u pretendua për penallti nga “verilindorët”, por që nuk u dha nga arbitri Ferhataj, solli një sërë diskutimesh në studion e emisionit “Elite Show”.

I pyetur pikërisht për këtë çështje gazetari i “SuperSport” Ylli Aga deklaroi se ai rast nuk ishte 11-metërsh: “Për mua nuk është një penallti”.

Lexo edhe:

Ndërsa për ish-futbollistin e kombëtares shqiptare, Luan Pinarin ai rast ishte penallti: “Nëse jo karton i kuq, për mua ai rast ishte padyshim penallti”.

Për ish-futbollistin tjetër të Kombëtares, Sulejman Memën ishte një episod i dyshimtë: “Mua më duket shumë e dyshimtë”.

Ndërsa trajneri i Egnatia-s, Edlir Tetova tha: “Nuk e di sepse lojtari duket sikur prek topin, por intesiteti i ndërhyrjes duket shumë i fortë”.