Hoti takon Palmerin dhe Lajçakun, thotë se SHBA dhe BE janë të koordinuara për dialogun
Kryeministri i Kosovës, Avdullah Hoti është takuar sot në Bruksel me Emisarin Special të BE-se për dialog në mes të Kosovës dhe Serbisë, Mirosllav Lajcak, dhe Zëvendës Ndihmës Sekretarin e Departamentit të Shtetit të SHBA-ve, Matthew Palmer, me të cilët ka diskutuar rreth dialogut dhe takimit që do të mbahet nesër në nivel ekspertësh, raporton Express.
Hoti ka thënë se është shumë i kënaqur që po sheh koordinim mes BE’së dhe SHBA’së lidhur me marrëveshjen finale në mes të Kosovës dhe Serbisë.
“Sot në Bruksel takuam Emisarin Special të BE-së për dialog në mes të Kosoves dhe Serbisë, Mirosllav Lajcak, dhe Zëvendës Ndihmës Sekretarin e Departamentit të Shtetit të SHBA-ve, Matthew Palmer.
Diskutuam për zhvillimet në dialog deri më tani dhe takimin e nesërm të nivelit të lartë. Jam shumë i kënaqur që po shoh koordinim të plotë në mes të BE-së dhe SHBA-së lidhur me marrëveshjen finale në mes të Kosovës dhe Serbisë”, ka shkruar Hoti.