“Buzëqeshin” Milani dhe Juventusi, Zirkzee kushton më pak seç mendohej
Si po ndikon maska tek sytë dhe çfarë duhet bërë
Dëgjojmë çdo ditë të thuhet se vendosja e maskës është hapi më i thjeshtë dhe më i rëndësishëm që ndihmon në parandalimin e Covid-19, por pak flitet për “efektet anësore” të saj në fytyrë. Përtej acarimit të lëkurës dhe krijimit të akneve, maska ndikon edhe tek sytë. Fenomeni i “syve të thatë” prej maskës është vënë re që nga fillimi i pandemisë.
Parehatia që shkakton maska, detyron sytë të prodhojnë më shumë lot për t’u përballur me të. Diçka e tillë më pas shkakton sy të acaruar, të skuqur më shumë se zakonisht, kruarje dhe shumë më të ndjeshëm ndaj dritës. Faktorë të tjerë të jashtëm që mund të përkeqësojnë “sytë e thatë” janë qëndrimi me orë të zgjatura para një kompjuteri, era, ose ndonjë ndërhyrje që mund të keni patur më herët në sy.
Ndërkohë që maska prej kohësh është bërë pjesë e pandashme e jetës sonë, duhet të ndjekim disa këshilla për të shmangur problemet me sytë, syzet që mbushen me avull apo lëkurën e acaruar. Hapi i parë është vendosja siç duhet e saj.
Sigurohuni ta vendosni poshtë syve tuaja, për të parandaluar parehatinë që mund t’i shkaktoni duke i prekur dhe mos harroni që herë pas here të bëni pushim duke u shkëputur nga çdo pajisje elektronike për t’i shlodhur ato.