Pse ngrënia e mëngjesit në një orë të caktuar ju ndihmon të dobësoheni
Vetëvrasjet e pacientëve me COVID, Agjencia Evropiane e Barnave: Lidhet me përdorimin e…
Përdorimi i klorokinës ose hidroksiklorokinës, ilaçe të përdorura kundër Covid-19 veçanërisht në fazën e parë të urgjencës, mund të shkaktojë çrregullime psikiatrike dhe sjellje të shoqëruara me vetëvrasje.
Agjencia Evropiane e Barnave paralajmëroi pasi shqyrtoi të gjitha të dhënat në dispozicion për efektet anësore të ilaçit.
Efekti anësor, pjesërisht i njohur tashmë, u konfirmua pas një rishikimi të filluar pas disa rasteve të çrregullimeve psikiatrike në pacientët me Covid.
Rishikimi i efekteve të këtij medikamenti u bë nga Agjencia, pasi informacioneve nga agjencia spanjolle e ilaçeve për 6 raste të çrregullimeve psikiatrike te pacientët me COVID, të cilëve u ishte dhënë doza e hidroksiklorokinës.
Klorokina dhe hidroksiklorokina mund të reduktojë temperaturën e lartë dhe inflamacionin dhe të dyja përdoren për trajtime kundër malarias. Gjithashtu rregullojnë kundërpërgjigjen imunitare të trupit të njeriut. Kjo vëmendje e madhe tek këto medikamente mund të rrezikojë furnizimet për pacientët me sëmundje të tjera që e kanë të nevojshëm trajtimin me klorokinë dhe hidroksiklorokinë.
