Dielli lëshon valën magnetike më të madhe të zjarrtë në afro një dekadë
Festivali në Spanjë: Dy çmime për filmin “Zgjoi”, Yllka Gashi aktorja më e mirë
Festivali spanjoll “Seminci” ka bërë të ditur fituesit në kategoritë kryesore. Aktorja Yllka Gashi ka marrë Çmimin për aktoren më të mirë, për portretizimin e Fahrije Hotit. E “Zgjoi” nën regji të Blerta Bashollit ka fituar Çmimin “Fundos”.
Filmi shpalos rrëfimin e Fahrije Hotit dhe grave nga Krusha e Madhe. Drama e jashtëzakonshme është e bazuar në ngjarje të vërteta të grave që kanë mbetur të veja për shkak të luftës, të cilat luftojnë kundër patriarkatit. Gashi luan rolin e Fahrije Hotit.
Protagonistja e këtij filmi, Yllka Gashi e realizoi dhe sjelli për audiencën këtë histori në mënyrën më të mirë e të kompletuar të mundshme, dhe mundi i saj po shpërblehet.
Aktorja e njohur edhe së fundmi ka fituar një çmim ndërkombëtar, këtë herë në Spanjë.
Yllka fitoi çmimin si aktorja më e mirë për rolin e saj në filmin “Zgjoi”, në “Seminci International Film Festival”.
Kështu ka bërë të ditur aktorja dhe deputetja e Kuvendit të Kosovës, Adriana Matoshi, përmes një postimi në Facebook.
“Një çmim i meritum për Yllka Gashi në një festival të madh. Aktorja më e mirë e Festivalit International Seminci Yllka me rolin e saj i tregoj botës historinë e trishtë të zonjës Fahrije Hoti. Urime Yllka e ky është vetëm një fillim për sukseset e tua në vazhdim”, ka shkruar Matoshi në postimin e saj bashkangjitur me një fotografi të Yllkës.
Ndërkohë, kujtojmë që “Zgjoi” më 28 tetor pati premierën në Kosovë, ndërsa nga 5 nëntori do të fillojë të shfaqet edhe në kinematë në Amerikë.