Trailer Reunion premton një mister argëtues vrasjeje me Game Night, The Boys & Get Out
VIDEO/ Disa të vdekur e të plagosur pas bombardimeve ruse në Kiev
Kievi është zgjuar me skena të reja shkatërrimi pasi një sulm i forcave ruse vonë më 20 mars, shkatërroi një qendër tregtare. Prokurori i Përgjithshëm i Ukrainës tha se të paktën tetë persona janë vrarë gjatë këtij sulmi, i cili goditi edhe ndërtesat e banimit.
Një vendim i ri për orën policore është bërë i ditur në kryeqytetin ukrainas, Kiev.
Ora policore do të zbatohet nga ora 20:00 me orën lokale të hënën, deri në orën 07:00 me orën lokale të mërkurën, ka thënë kryetari i qytetit, Vitali Klitschko, në llogarinë e tij në Telegram.
“U kërkoj të gjithëve të qëndroni nëpër shtëpi – apo në vendet e strehimit kur të bien sirenat”, ka thënë ai.
Borrell thotë se Rusia është duke kryer “krime masive të luftës” në Mariupol
Shefi i Bashkimit Evropian për Politikë të Jashtme, Josep Borrell ka thënë se Rusia është duke kryer “krim masiv të luftës”, duke sulmuar qytetin ukrainas, Mariupol, i cili ka qenë i rrethuar për disa javë.
“Ajo që po ndodh tani në Mariupol është krim masiv i luftës, duke shkatërruar gjithçka, duke bombarduar dhe duke vrarë secilin”, ka thënë Borrell në fillim të takimit të ministrave të Jashtëm të BE-së në Bruksel.
Blloku prej 27 kombesh do të diskutojë sanksione të reja ndaj Rusisë, duke përfshirë embargo të naftës dhe mundësi të largimit të më shumë bankave nga sistemi financiar SWIFT.