Gazeta Shqip ka publikuar pamje nga festat e të rinjëve në bregdet. Shkuma parti me muzikë, pa asnjë distancim dhe mosrespektim të masave anti-Covid mes të rinjve. Kjo është panorama e këtyre ditëve të nxehta vere në disa zona brengdetare, siç shihet nga pamjet në një koncert të një prej këngëtarëve më të njohur në Shqipëri.

-Advertisement-

Kjo situatë ka shqetësuar së tepërmi edhe mjekët, të cilët çdo ditë apelojnë për respektimin e rregullave të vendosura, me qëllim parandalimin e përhapjes së virusit vdekjeprurës.

Mjeku i njohur infeksionist, Tritan Kalo, e nisi këtë të diel me një mesazh të fortë për të rinjtë, të cilët duket se kanë harruar që koronavirusi ekziston.

Mjeku i cili është çdo ditë mes pacientëve të prekur në spitalin infektiv të Tiranës thotë se të rinjtë duhet të shpenzojnë më pak kohë në bare e klube, si vende të rrezikshme të përhapjes së virusit, dhe le të miqësohen edhe me shumë me natyrën.