Shengeni Ballkanik ndryshon emër për të bindur Kosovën

Shengeni Ballkanik do të ndryshojë emër. Nisma e Shqipërisë, Serbisë dhe Maqedonisë së Veriut do të mësojë emrin e ri gjatë punimeve të Forumit Ekonomik të Shkupit, që mbahet ditën e enjte.

Kryeministri Edi Rama konfirmoi lajmin gjatë një interviste të dhënë për Top Channel nga Shkupi.

“Shengeni Rajonal është vetëm korniza e një formule që është formula e BE, pra korniza e katër lirive të BE, lëvizja e lirë e njerëzve, mallrave, e shërbimeve dhe kapitalit. Duke qenë se shumëkush është kapur pas këtij emri dhe është menduar që të ketë një emër tjetër thjesht si nismë.

Ideja e ndryshimit të emrit duket se bëhet për të ndryshuar qëndrimimin e Kosovës, Malit të Zi dhe Bosnjes, që janë shprehur kundër kësaj nisme, duke e cilësuar si të padobishme dhe shpenzim i kotë energjish.

Vetë Rama duke pesimist nëse ndryshimi i emrit do të sjellë ndonjë ndryshim në qasjen e këtyre tre vendeve karshi kësaj nisme.

“Unë mendoj se kush do të kapet me emrin, do të kapet prap me emrin. Nuk është se do të zgjidhet gjë nga kjo anë”, tha Rama për Top Channel.

Rama nuk komentoi deklaratat e Albin Kurtit, që përmes zyrës së shtypit të Qeverisë njoftoi se nuk ka ndryshuar mendim se kjo nismë është ide e Serbisë që nuk ka miratimin e Kosovës. Gjithsesi, Rama thotë se Shqipëria, Maqedonia e Veriut dhe Serbia duhet të ecin përpara dhe të “udhëheqin me forcën e shembullit”.

Kryeministri tha se janë disa vendime e marrëveshje për t’u nënshkruar, pa dhënë më shumë detaje për to. Por, sipas Financial Times marrëveshjet kanë të bëjnë me një lehtësim gradual të qarkullimit të mallrave, njerëzve dhe punëtorëve në kufijtë e tre vendeve, duke hequr disa kufizime dhe reduktuar burokracitë.

Në Forumin Ekonomik të Shkupit do të marrin pjesë mbi 300 komani nga të tre vendet, por edhe shtete të tjera te rajonit që nuk janë pjesëmarrëse të nismës.

Kurti bojkoton forumin e Shkupit: Minishengeni, ide e Serbisë! Nuk ka miratimin tonë

Qeveria e Kosovës këmbëngul se nisma e minishengenit nuk është në në interes të shqiptarëve dhe Albin Kurti do të bojkotojë edhe punimet e Forumit Ekonomik dhe Bashkëpunimit Rajonal të Shkupit, që mbahet ditën e enjte.

Zyra e shtypit e Qeverisë së Albin Kurtit ka konfirmuar për mediat se Kryeministri i Kosovës nuk ka ndryshuar qëndrim sa i takon kësaj nisme.

“Qëndrimet tona për idenë e Novi Sadit, të ashtuquajtur ‘Minishengen’, tashmë janë të njohura. Kjo iniciativë nuk e ka miratimin tonë”, thotë Qeveria e Kosovës.

Rama, Vuçiç dhe Zaev mblidhen ditën e enjte në Shkup për punimet e Forumit Ekonomik. Mes

Në fund të diskutimeve do të ketë nënshkrim të marrëveshjeve për bashkëpunimin rajonal mes dy kryeministrave dhe presidentit serb. Aktiviteti pritet të zgjasë rreth 2 orë dhe në 12:30 do të ketë edhe një deklaratë të përbashkët mes kryeministrave Rama, Zaev dhe presidentit serb, Aleksandër Vuçiç.

Gazeta britanike “Financial Times” shkruan se lëvizja e lirë dhe lehtësirat e biznesit e shengenit ballkanik do të zbulohen zyrtarisht të enjten. Ato përfshijë një lehtësim gradual të kufizimeve të udhëtimit, korsi të gjelbra më të shpejta në kufij, lehtësi të kalimit për mallrat dhe për lejet e punës.