Wednesday, May 25, 2022

Abazoviç përplaset me protestuesit: ‘Kurrë nuk kam tradhtuar njeri’

Zëvendëskryeministri i Malit të Zi, Dritan Abazoviq, është përballur, mbrëmjen e së premtes, me një turmë protestuesish të tensionuar.

Dhjetëra njerëz janë mbledhur pranë godinës së televizionit publik në Podgoricë, pak ditë pasi Lëvizja Qytetare Ura e Abazoviqit njoftoi se ka dërguar në procedurë parlamentare mocionin për mosbesim ndaj Qeverisë së Zdravko Krivokapiqit.

“Nuk do të tradhtoj vullnetin elektoral të qytetarëve,” shkruante në faqen zyrtare në Facebook të Lëvizjes.

Është publikuar edhe një video, ku thuhet se shumë protestues i drejtohen Abazoviqit me fjalë fyese.

“Mbështetësit e demokratëve shanë Abazoviqin me fjalor fashist sonte, derisa u afrua për t’iu drejtuar të mbledhurve.”

Siç raporton Vijesti.me, njëri nga të grumbulluarit ka bërtitur: “Shqiptarët nuk do të na komandojnë”. Por, kundër një deklarate të tillë kanë reaguar disa protestues të tjerë.

“Dil o vogëlush” dhe “I more lekët Dritan?”, ishin disa nga thirrjet tjera, me të cilat u përball Abazoviq.

Zëvendëskryeministri Dritan Abazoviq, i cili sonte ishte edhe mysafir në televizionin publik, doli para të mbledhurve, ndërsa policia ka parandaluar incidentin.

Abazoviç është shprehur se një nga zgjidhjet është qeveria e pakicës , qeveri teknike dhe në rast të kundër alternativa tjetër është të shkohet në zgjedhje.

‘Një zgjidhje është të kemi qeveri pakicës, një tjetër është qeveri teknike dhe zgjidhja e tretë është të shkojmë në zgjedhje’, ka thënë ai.

Gjithashtu u shpreh se nuk ka vullnet popullor pa koalicionin Bardh a zi, ndërsa shtoi se nuk ka tradhtuar asnjë njeri në jetën e tij dhe se kurrë nuk do ta bëjë një gjë të tillë.

Më tej Abazoviç ka thënë se askush nuk mund të ndikojë në koalicion me primitivizën dhe se vendimet tha ai do të merren në mënyrë autonome.

I pyetur se përse vendosi të kërkojë rrëzimin e qeverisë, ai tha se ishin realizuar tri interpelanca dhe se tre ministra janë emëruar pa autorizim, duke shtuar se Këshilli Prokurorial nuk është votuar më 31 korrik, kjo sipas tij çoi edhe në një krizë të madhe në Cetinje.

Ndërkohë ai shtoi se personalisht është dakord me protestat, pasi sipas tij qytetarët po luftojnë për të mbrojtur vullnetin elektoral.

Sipas tij Milo Gjukanoviç së shpejti do të tërhiqet politikisht, ndërsa shtoi se hera e fundit që ka folur me të ishte në gusht të vitit të kaluar.

‘Gjukanoviç së shpejti do të tërhiqet politikisht. Le të tregojë koha nëse kam të drejtë apo jo’, ka thënë më tej Abazoviç.

- Advertisment -

Lexoni