Lituania mbështet idenë e dislokimit të armëve bërthamore të NATO-s në Poloni
Incident në Oscars (VIDEO)/ Will Smith goditi me shpullë Chris Rock-un
Aktori Will Smith goditi me shuplakë prezantuesin Chris Rock gjatë Oscars të së dielës mbrëma pasi Rock bëri një shaka për paraqitjen e gruas së Smith, Jada Pinkett Smith.Rock bëri shaka me kokën e rruar të Pinkett Smith, duke thënë: “Jada, të dua. GI Jane 2, mezi pres ta shoh, në rregull?”
Pinkett Smith zbuloi në vitin 2018 se ajo ishte diagnostikuar me alopecia. Ajo ka diskutuar shpesh sfidën e rënies së flokëve në Instagram dhe platforma të tjera të mediave sociale.
Smith, doli në skenë dhe goditi me shuplakë Rockun, duke krijuar një zhurmë të madhe. Smith u kthye në ndenjësen e tij dhe bërtiti që Rock të linte rehat Pinkett Smith. Rock u përgjigj se ai thjesht po bënte një shaka “GI Jane” – dhe Smith i bërtiti për herë të dytë.
“Ajo ishte nata më e madhe në historinë e televizionit”, tha Rock, dhe më pas rifilloi rolin e tij si prezantues.
Disa minuta më vonë, reperi Sean Combs – në skenë për të prezantuar një homazh për “The Godfather” – u përpoq të luante paqebërësin dhe sugjeroi që Smith dhe Rock të zgjidhnin mosmarrëveshjet e tyre në një festë pas Oscars.
Pinkett Smith ishte gjithashtu subjekt i shakave nga Rock kur ai priti Oscars në 2016. Ajo nuk mori pjesë në Oscars atë vit, duke thënë se në atë kohë vendimi i saj buronte nga mungesa e diversitetit midis të nominuarve për çmime dhe sesi artistët zezakë nuk u përfaqësuan siç duhet.
Akademia dënon sjelljen e Will Smith
Akademia ka dënuar incidentin e aktorit Will Smith i cili në natën e ndarjes së çmimeve Oscars, goditi me shuplakë prezantuesin Chris Rock.
Akademia përmes një postimi në Twitter tha se nuk e pranon dhunën.
“Akademia nuk e pranon dhunën e asnjë forme. Sonte kemi kënaqësinë të festojmë fituesit tanë të 94-të të çmimeve Oscar, të cilët meritojnë këtë moment njohjeje nga bashkëmoshatarët e tyre dhe dashamirësit e filmit në mbarë botën”, ka shkruar Akademia në Twitter.
Kujtojmë se incidenti në mes të Smth dhe Rock ndodhi kur ky i fundit bëri shaka me flokët e rruara të gruas së Smithit.