“Buzëqeshin” Milani dhe Juventusi, Zirkzee kushton më pak seç mendohej
Berisha i emocionuar në Kuvendin e PD-së: “Kjo parti nuk vdes kurrë”
Ish-kryeministri, Sali Berisha, ka mbajtur fjalën e tij në Kuvendin Kombëtar të PD-së. Pas incidenti të sikletshëm ku Berisha u pengua dhe ra gjatë kohës që po ngjitej në skenë, menjëherë mori fjalën dhe konfirmoi se PD është më e fortë se kurrë.
Berisah shtoi gjithashtu se më 11 dhjetor patëm një ditëlindje të dytë si dhe theksoi se kjo parti nuk vdes kurrë, pavarësisht problemeve me të cilat është përballur.
“Jemi sot këtu më të fortë se kurrë më parë. Koha ju thërret ju të çoni përpara kauzën tonë. Me këta delegatë, me drejtimin e ri të PD-së do të bëjmë gjithçka të dalin sa më shumë në krye të kësaj partie, si rruga më e sigurt e fitores së saj.
Demokratët shqiptarë vijnë në këtë kuvend kryelartë me forcë politike, me trashëgiminë e saj. Ajo përmbysi një nga diktaturat më të egra në Europë. Më 11 dhjetor patëm një ditëlindje të dytë, në një kuvend historik, rilindi përsëri PD-ja, kjo parti nuk vdes kurrë, ajo jeton dhe do të jetojë në idealet më fisnike shqiptare”, tha Berisha.
“Jam Sali Berisha unë…”/ Ish-kryeministri flet sërish për shpalljen non grata: Cilido që do të paraqesë një fakt apo provë …
Ish-kryeministri Sali Berisha foli gjatë fjalës së tij në Kuvend edhe për shpalljen non grata nga Departamenti Amerikan i Shtetit.
Berisha u shpreh se nëse dikush ka prova ti paraqesë dhe ai është i gatshëm që të marrë çdo masë ndaj vetes së tij.
Ndërkohë që ndër të tjera Berisha deklaroi se ky Kuvend shënon fundin e një kapitulli dhe hap kapitullin e përballjes me qeverinë.
“Unë dua t’’ju them të gjithë atyre që mendojnë, apo besojnë se mund të mbajnë një pseudopozitë në këmbë; gaboni rëndë. Opozita është moral, pushet moral. Ajo nuk emërohet, nuk delegohet, ajo buron nga shpirti dhe zemra. Ata janë burra dhe gra të thjesht në punët e tyre, por në ndërgjegjen e tyre e dinë se pseudoopozita është një limon i shtrydhur nga i cili pasi plotëson shijet, bën sikur se njeh më. Pseudo opozita është fasadë në të cilën askush nuk do të banojë. Ndaj ku jemi sot, opozitë e vërtetë, në këmbë, të gatshëm, për çdo betejë! Përsëri, lidhur me këtë çështje dua të shtoj dy-tre gjëra. Është bërë e njohur se unë jam sanksionuar nga DASH me akuza për të cilat në mënyrë absolute nuk ekziston asnjë fakt, provë, dokumente. Jam sanksionuar nga lobimi korruptiv i Soros dhe Ramës. Megjithatë, them këtu se cilido që do të paraqesë një fakt, provë, dokument më të vogël kundër Sali Berishës, ai është i gatshëm që të marrë çdo masë ndaj vetes së tij. Por unë theksoj se jam Sali Berisha. Kurrë, kurrë, kurrë, shpifjen, gënjeshtrën se pranoj për të vërtetë. Jam mirënjohës juve pa kufij që ndani me mua këtë qëndrim. Kemi muaj që për shkak të këtyre ndërhyrjeve ne merremi me veten tonë, por ky Kuvend shënon fundin e këtij kapitulli, hap kapitullin e përballjes me qeverinë më të korruptuar të Evropës, me qeverinë e kryesuar nga Rama. Kryeministri, absolutisht më i pashkollë në historinë e shtetit shqiptar. Po dhe po, Shqipëria, shoqëria shqiptare në të katër anët e saj lëngon. Rama vret shpresën, në çdo skaj, në çdo vatër, rrugë, fshat apo shesh të Shqipërisë. Ndaj dhe ne para së gjithash, duhet të bëjmë gjithçka për të kthyer te shqiptarë shpresën. Detyrë e vështirë por e mundshme.”, tha Berisha.