Atalanta kërkon 60 milionë euro për holandezin, “trembet” Liverpooli
Dhënia me qira 1 euro të 57 mijë metra katrorë në Portin e Vlorës, Rama: Praktikë e bërë edhe nga vende të tjera
Rama theksoi se nuk ka asnjë për t’u habitur pasi i sjellin shumë ekonomisë së një vendi
Kryeministri Edi Rama ka deklaruar se dhënia me qira me 1 euro metri katror për 57 mijë metra në Portin e Vlorës është një praktikë e bërë dhe nga vende të tjera.
Në një konferencë për mediat, Rama theksoi se nuk ka asnjë për tu habitur pasi i sjellin shumë ekonomisë së një vendi. Po ashtu ai theksoi se ka dy rrugë për ta bërë këtë, ose të ndërtohen nga vetë shteti ose ta bëjnë kompanitë e huaja.
“Në Vlorë do të ndërtojmë një nga 4 portet turistike të Shqipërisë. Ky është një ndikim i jashtëzakonshëm dhe nuk ka asnjë arsye ne botë për të vënë në pikëpyetje të tilla investime që kanë një rëndësi strategjike për vendin tonë. Kur vendosen pikëpyetje lidhur me mënyrën si stimulohen investimet strategjike ne turizëm është mirë të kihet parasysh se çfarë bëjnë vendet e tjera. Investitorë shumë të rëndësishëm që na afrohen kërkojnë mbështetje financiare nga qeveria për të investuar në turizëm. Ne nuk japim direkt mbështetje financiare, por fakti që e kërkojnë do të thotë se ndodh në shumë vende të tjera. Llogaria është shumë e thjeshtë, çfarë jep dhe çfarë merr.
Ajo që merr në turizëm nuk është e drejtpërdrejta nga një investim aty, por është ajo që merr prapësht nga çfarë ai investim sjell. Nëse do të shikoni si është ngritur turizmi në Turqi do habiten sa para nga buxheti ka dhënë shteti për ata që kanë ndërtuar hotele në fazat e para.
Nëse shikoni si është zhvilluar turizmi në Mal të Zi. Janë përdorur instrumente, që këtu do të vihej në flakë. Pra nuk ka asgjë për tu habitur dhe asgjë për të ngritur shqetësime nëse bëhet llogaritja çfarë i sjellin ekonomisë së një vendi, psh jahtet. Ka dy rrugë o do ta ndërtojë shteti, ose do i’ia kërkosh kompanive të sipërmarrjes private. Në dijeninë tonë këtë e tërë Mesdheu e bën kështu siç e bëjmë ne, nuk e kemi shpikur ne. Po ju them që në shumë investime të mëdha, shteti jep financim. Jo vetëm që nuk kërkon gjë tjetër, i jep terrenin, i heq taksat etj. Por i jep financim direkt”, tha Rama.
Source link