Saturday, June 25, 2022

Kjo pritet të jetë përbërja e qeverisë Hoti

Lidhja Demokratike e Kosovës pritet që gjatë javës së ardhshme të aktivizojë kërkesën e saj për seancë të jashtëzakonshme në të cilën do të zgjidhet qeveria e re.

LDK, në koalicion me AAK-në, Nismën Socialdemokrate, Listën Serbe dhe pakicat joserbe pret që të sigurojë mbështetjen e më shumë se 63 deputetëve të Kuvendit. Nisma e LDK-së për seancë, do të aktivizohet sapo që Gjykata Kushtetuese ta bëj publik aktgjykimin e plotë në lidhje me dekretin e presidentit Hashim Thaçi, me të cilin i jepet e drejta LDK-së dhe kandidatit të saj, Avdullah Hoti për formimin e qeverisë pa partinë fituese të zgjedhjeve, në këtë rast pa Lëvizjen Vetëvendosje. 

Aktualisht po qarkullojnë edhe emrat e mundshëm të kabinetit të ri qeveritar. Koha raporton për përbërjen e mundshme të qeverisë Hoti.

Emrat e Qeverisë Hoti, pa Listën Serbe, pritet të jenë këta:

LDK:

Avdullah Hoti, kryeministër

Driton Selmanaj – Zëvendëskryeministër

Hykmete Bajrami (Ministre aktuale e Arsimit) – Ministre e Financave

Vlora Dumoshi, mbetet në Ministrinë e Kulturës

Agim Veliu – Ministër i Punëve të Brendshme.

Arban Abrashi, Ministër i Infrastrukturës dhe Ambientit

Armend Zemaj – Ministër i Bujqësisë

Besian Mustafa (aktualisht ministër i Bujqësisë) – Ministër i Integrimeve Evropiane

Anton Quni – Ministër i Mbrojtjes (në rast se kjo Ministri i shkon AAK-së atëherë LDK-ja e merr Ministrinë e Shëndetësisë me ministër Valbon Krasniqi).

AAK:

Besnik Tahiri – Zëvendëskryeministër

Meliza Haradinaj – Ministre e Punëve të Jashtme

Selim Selimi – Ministër i Drejtësisë

Blerim Kuqi – Ministër i Zhvillimit Ekonomik

Ramë Lika – Ministër i Arsimit

NISMA (vetëm ka propozuar emrat, por nuk është caktuar ende ndonjë ministri):

Durim Limaj

Skënder Reçica

Mevludin Krasniqi

Lista Serbe:

Goran Rakiq – zëvendëskryeministër

Emri tjetër bëhet i ditur ndërkohë, si edhe i ministrit nga komunitetet joserbe.

Formimi i kësaj qeverie po kundërshtohet ashpër nga Lëvizja Vetëvendosje e cila konsideron se po i vjedhet mandati i fituar në zgjedhjet e 6 tetorit. Vetëvendosje ka nisur edhe një peticion përmes së cilit po synon të merr mbështejen e sa më shumë qytetarëve për opsionin e saj me të cilin pretendon organizimin e zgjedhjeve.

- Advertisment -

Lexoni