Përfitimet e shumta nga çaji i gjelbër

Çaji i gjelbër është ndër pijet më të shëndetshme që ekziston. Për t’iu ndihmuar të ndiheni më mirë, të humbni peshë dhe të zvogëloni rrezikun e sëmundjeve kronike, konsideroni konsumimin e çajit të gjelbër një pjesë të rregullt të jetës tuaj. Disa nga përfitimet e çajit të gjelbër i kemi listuar më poshtë.

• Përmban komponime të shëndetshme bioaktive

Çaji i gjelbër luan një rol të rëndësishëm në parandalimin e dëmtimit të qelizave. Komponentët përbërës të tij kanë aftësi për trajtimin e sëmundjeve të ndryshme dhe përmirësimin e performancës së organizmit në përgjithësi pasi ky çaj zvogëlon formimin e radikaleve të lira në trup.

• Përmirëson funksionimin e trurit

Përbërësi kryesor i çajit të gjelbër është kafeina. Çaji i gjelbër nuk përmban aq kafeina sa ka kafeja, por kjo dozë është mëse e  mjaftueshme. Hulumtimet kanë treguar vazhdimisht se kafeina mund të përmirësojë aspekte të ndryshme të funksionimit të trurit, duke përfshirë disponimin, vigjilencën, kohën e reagimit dhe kujtesën.

• Ndihmon në humbjen e peshës

Çaji i gjelbër përmirëson dhe shpejton metabolizmin dhe si rrejdhojë ndikon edhe në shkrirjen e yndyrnave të tepërta nga trupi.

• Mbron organizmin nga kanceri

Kanceri shkaktohet nga rritja e pakontrolluar e qelizave. Duke qenë se çaji i gjelbër është një burim i antioksidantëve dhe mbrojtës i qelizave, konsumimi i tij mbron organizmin nga kanceri.

• Largon erën e keqe nga goja

Çaji i gjelbër ka përfitime edhe për shëndetin oral. Konsumimi i tij largon bakteret nga goja dhe erën e keqe.

• Mbron organizmin nga sëmundjet kardiovaskulare

Sëmundjet kardiovaskulare janë ndër shkakarët më të mëdhenjë të vdekjeve në botë. Studimet tregojnë se çaji i gjelbër përmirëson nivelin e kolesterolit dhe zvogëlon rrezikun nga prekja prej sëmundjeve kardiovaskulare.